သစ်ရွက်တရွက်မှကန်ထဲမှာမရှိတဲ့
ဘုရားရှင်ကိုယ်တော်
လက်ဆေးခဲ့သော
လက်ဆေးကန်
ထူးဆန်းထွေလာ အံ့သြဖွယ်ရာ လက်ဆေးကန်
ကလေးမြို့၏ ထူးဆန်းထွေလာ အံ့သြဖွယ်ရာ လက်ဆေးကန်သည် ပင်လယ်ရေမျက်နှာပြင်
အထက် အမြင့် ၃ဝ၆၉ ပေ မြင့်သော တောင်ပေါ်တွင်တည်ရှိသည့် ရေကန်ဖြစ်ပြီး မော်လိုက်ခရိုင်နှင့် ကလေးခရိုင် နယ်စပ်နေရာ
တွင် တည်ရှိကာ ကလေး-တမူး မြန်မာ-အိန္ဒိယချစ်ကြည်ရေးကားလမ်းမကြီးဘေး ကလေးမြို့နယ် ရန်မျိုးအောင်ကျေးရွာအနီးမှ ပြောင်ဘုတ်-မော်လိုက်လမ်းအတိုင်း ၁၄ မိုင်ခန့်တောင်တက်ခရီးသွားကာ မော်လိုက်မြို့မှ ၁၉ မိုင်ဝေးသည့် နေရာတွင် တည်ရှိသည်။
မြတ်ဗုဒ္ဓငါးဝါအရတွင် ချင်းတွင်းမြစ်အထက်ပိုင်း မော်လိုက်မြို့အနီး နန်းဇလိန်ရွာ၏
အနောက်ဘက် ဆွမ်းဘုဉ်းတောင်သို့ ကြွရောက်ခဲ့သည့်အတွက် ယခုတိုင် ''ဆွမ်းဘုဉ်းတောင်'' ဟုအမည်တွင်ပြီး ထိုဆွမ်းဘုဉ်းတောင်ပေါ်တွင် ညီတော်အာနန္ဒာက လက်ဆေးရန် ရေခပ်ပေးသည့်ကန်ကို ''လက်ဆေးကန်'' ဟု ယနေ့တိုင်ခေါ်တွင်ခဲ့ကာ ဆွမ်းဘုဉ်းဘုရားကိုလည်း ယနေ့တိုင်ဖူးမြော်နိုင်သည်။
လက်ဆေးကန်ရေပြင်သည် အကျယ် ၁၈ ဧကခန့်ရှိပြီး မြတ်ဗုဒ္ဓ၏လက်ဆေးကန်
ဝန်းကျင်တွင် ဝါးခါးရေစိုတောရှိခြင်း၊ နွေ-မိုး-ဆောင်း ရေပြင်အတက်အကျ မရှိခြင်း၊ အမြဲတမ်းကြည်လင်အေးမြခြင်း၊ ရေကန်အတွင်း အမှိုက်ကင်းစင်ခြင်း၊ ကန်တွင်းရှိ အမှိုက်နှင့် သစ်ရွက်ခြောက်များကို ငှက်ကောင်အဖွဲ့လိုက်ဖြင့် ကိုက်ချီပြီး သန့်ရှင်းရေးလုပ်ခြင်း၊ ရေအမျိုးအစား PH-7 ရှိခြင်းတို့ကြောင့် အလွန်ထူးဆန်းသည့် ရေကန်ဖြစ်သည်။
ယင်းအပြင် ကလေးသမိုင်းနှင့်ဆက်စပ်သည့် သမိုင်းတစ်ခုတွင်လည်း အိန္ဒိယနိုင်ငံ ရာဇဂြိုဟ်မှပြေးလာခဲ့ကြသော အဇာတသတ်မင်း၏ ဆွေတော်မျိုးတော်
မြေးတော် မြစ်တော်များတွင် ရဟန္တာအရှင်မြတ် ၅ဝဝလိုက်ပါခဲ့ရာ ယခုလက်ဆေးကန်နေရာ
တောထဲတွင်ပင် သီတင်းသုံးခဲ့ကြကြောင်း ကလေးမြို့သမိုင်းအကြောင်း စုဆောင်းသူတို့က ဆိုသည်။
ယခုအခါ လက်ဆေးကန်တွင် ဆရာတော်
ဦးကုမာရ(ဂန့်ဂေါ) ကျောင်းထိုင်သီတင်းသုံး
တော်မူသည့်လက်ဆေးကန်တောင်ထိပ်ပေါ်တွင် ရွှေကံသာမုနိစေတီတော်မြတ်ကြီးကို
ဖူးမြော်ကြည်ညိုနိုင်ပြီး ဘုရားရင်ပြင်တော်မှ ကလေးမြို့နယ်တစ်ခွင်လုံး၏ အလှရှုခင်းများကို ကြည့်ရှုခံစားနိုင်သည်။
လက်ဆေးကန်သည် ယခုတိုင် တောတောင်ရေမြေ မပျက်ယွင်းသေးသည့်
နေရာဖြစ်ပြီး ဆွမ်းဘုဉ်းတောင်တွင် သစ်တော၊ ဝါးတောကြီးများကျန်သေးသည့်
အပြင် ဆရာတော်ဦးကုမာရ၏ အဆိုအမိန့်စကားအရ သဘာဝတောကောင်၊ သားကောင်များ၊ ကျား၊ ဝက်ဝံ၊ ပြောင်စသည့် အကောင်ကြီးများ ကျန်သေး
သည်ဟုဆိုသည်။
ယခုအခါ လမ်းပန်းဆက်သွယ်ရေး
ကောင်းမွန်လာပြီး ဘုရား၊ ကျောင်းကန်၊ ဇရပ်တို့ဖြင့် ပြည့်စုံလာသည့်အတွက် ဘုရားဖူးခရီး၊ လေ့လာရေးခရီးသွားရောက်
သူများပြားလာပြီး အထူးသဖြင့် သီတင်းကျွတ်ချိန်၊ ကထိန်ခင်းချိန်နှင့် သင်္ကြန်ကာလတို့တွင် ဘုရားဖူးသွားရောက်သူ၊ လေ့လာရေးခရီးသွားရောက်သူ အများ
ဆုံးနေရာဖြစ်ကာ ပြည်တွင်းပြည်ပ
ခရီးသွားဧည့်သည်များကလည်း စိတ်ဝင်စားလျက်ရှိကြောင်း သိရသည်။
No comments:
Post a Comment